最近 winter surge (冬季高峰期）
病房真係客如輪轉 一批又一批😭
每當同屋企人講出院 我記得在3度果陣
都愈上相同的答案
好多人都唔知係唔想黎接人 定怕麻煩
😇 : 喂 你好呀 XXX醫院打黎架 你係咪XXX個仔
佢今日可以出院返屋企喇 想問你咩時候放便黎接佢 到時候再講病情
屋企人👦🏼: 我係呀 但係呢姑娘 我想講今日咁凍 叫一個老人家出去 會唔會唔係咁好呀？
😇： 哦 咁你帶多件衫黎囉 咁樣做好保暖應該無問題 （心諗：挑 凍唔洗做人咩 當醫院避寒中心咩）
屋企人👦🏼: 好喇好喇 我一陣出黎接佢喇😑
天氣凍係人都想在被窩到架喇
你估我真係西伯利亞人呀？
就係一個懶字 連接老人家都懶
另一邊廂 有兩位老人家一齊獨居生活
打電話俾呀婆 話呀伯今日出院 叫呀婆唔好黎喇
幫呀伯Bk 非緊急白車送返屋企
廢事呀婆來來去去 又凍又辛苦 呀婆行步路都用Stick
呀婆天寒地凍中午煲埋湯煮好飯黎 同呀伯一齊食
再返屋企等 我見到個心都暖埋☺️
但D後生仔 出個門口都攞你命咁😤不能容忍！
Search